تبلیغات
*****صدای بــاران***** - گفتم.....

*****صدای بــاران*****

تو اگر میدانستی خنجر از دست رفیقان خوردن چه سخت است ازمن نمیپرسیدی که چرا تنهایی؟؟

گفتم.....

گفتم : غمین قوجالتدی گفتا : اؤزون قوجالتما

گفتم : توكندی صبریم گفتا : سسین اوجالتما

گفتم كی : قالدیم از بس سن سیز گؤزل داریخدیم

گقتا كی : چوخ داریخما گنج عؤمرونو قوجالتما

گفتم كی : وعده وئردین گللم دئدین گؤزتله

گفتا : ائله دئدیم كی بیر آیری سیندا توتما

گفتم : هاچان بو باغین دررم آزاد باریندان

گفتا كی : قوی یئتیشسین كال میوه یه ال آتما

گفتم : یاتیبدی بختیم قوی سسله ییم اویانسین

گفتا : یاتیب ایشین یوخ یاتمیشلاری اویاتما

گفتم وظیفه میزدیر یاتمیشلاری اویاتماق

گفتا كی : ساخلا باشین هر فیرتانایا قاتما

گفتم : اویانسا دورسا نئیلر سنه بیلیرسن؟

گفتا : یاتیرتماق الده خوش گونلرین قاراتما

گفتم : نه جور دئییم بس سؤز خلقه تأثیر ائتسین؟

گفتا : یالان دانیشما تزویری زهده قاتما

گفتم : اولان ده گیل بو تكلیف ائدیرسن حكما

گفتا كی : اولماز اولماز موشگول داها یاراتما

گفتم : بیر اووچویام كی الده دولو توفنگیم

گفتا : دولو توفنگین هر قورد – قوشا بوشاتما

گفتم : اجازه وئرسن بیر آیری سین تاپیم من

گفتا : آزیبدیر عقلین دیوانه یه داش آتما

گفتم : بو تیره گؤیده اولدوز سایاق باتیم قوی

گفتا كی : دؤز تلسمه گون چیخماییبدی، باتما

گفتم : نه جور سئویرسن سنله ائدیم مدارا

گفتا : قمیش ده قویما، یالقیز سؤزو اوزاتما



[ چهارشنبه 11 دی 1392 ] [ 08:43 ب.ظ ] [ امید قنبرلو ] [ نظرات() ]